Tidlegare ordførar Hallvard Møgster (84) har opplevd store delar av verda til sjøs, men det er heime i Austevoll han trivst best. Til helga ventar sommarens tradisjonsrike høgdepunkt, nemleg Hatlevikbasaren.
Hallvard Møgster myser ut av vindauget i
den herskapelege generasjonsbustaden i Kolbeinsvik. Her har han hatt base heile
livet. Han har visstnok vore på farten, men forutan fire år i Bergen er det
barndomsheimen i Kolbeinsvik som har vore heimen hans.
– Her har familien på bestemor si side
budd i over 300 år. Huset eg bur i no, vaks eg opp i og det er 103 år gamalt,
seier Hallvard og legg armen på sofaen i stova. I dag er det dottera Veronika
og mannen hennar som eig huset. Dei bur oppe, medan Hallvard og kona har burett
i fyrste etasje. Du høyrer godt lyden av barn som sprintar over golvet ovanpå.
– Det er kjekt å høyra at det er liv i huset. Det er stas at me er på femte generasjonen som bur her no, seier Hallvard og smiler.