Marsteinen slo fyrst opp saka om varslinga ved den lokale politistasjonen 20. september. Ei veke seinare fekk varslaren ei ordensstraff og vart overflytta til ein annan tenestestad. Dette vart grunngjeve med måten han hadde gått fram med å senda ei rekkje e-postar med sjikanerande karakteristikkar av overordna i Vest politidistrikt. Ein dryg månad seinare får varslaren sparken. Han stadfestar dette med ein knapp SMS-varsling til lokalavisa.
Krenka tenestepliktene sine
Samstundes tek TV2 tak i saka, med ei større dekning, same dag som varslaren får sparken. Tilsettingsrådet meiner varslaren har gått for langt.
– Trass i ordensstraffa haldt varslaren fram med å senda ut e-postar. Arbeidsgjevar meiner dette har skadd politiets omdømme og tillit, og skaper unødvendig frykt i lokalsamfunnet. Tilsettingssrådet viser til fleire e-postar varslaren har sendt til kollegaar og leiing, der innhaldet blant anna er eigna til å skapa frykt. Leiinga konkluderer med at varslaren blant annet grovt har krenka tenestepliktene sine, og at han har halde fram med dette til trass i skriftleg åtvaring, skriv TV2.
Til nettsida til TV2 opplyser advokat Arvid Sjødin at han saman med varslaren førebur seg på ei rettssak.
– Me må byggja opp ei sak der me visar kven som tek feil. Det vil ikkje overraska meg om oppseiinga blir vurdert som ugyldig frå retten si side, seier Sjødin til TV 2.