Mellom 300 og 400 personar var innom då Nicoleta Vrabie og Mohamad Sabbagh opna dørene til Delikatess på Storebø bryggje laurdag.
– Me hadde venta at det kom folk, men på langt nær så mange. Me hadde ikkje plass til alle på ein gong, fortel dei ferske butikkinnehavarane nokre dagar etter opninga.
– Attendemeldingane me har fått frå kundar har berre vore gode, trass i at me ikkje har alt på plass enno.
Mohamad og Nicoleta fortel om hektiske dagar før opninga, der mellom anna ein ferskvaredisk som skulle ha kome fredagen, ikkje gjorde det.
– Det stressa oss veldig. Disken får me vonleg i slutten av veka. Når han kjem, vert det ferske oliven, fetaost og paprika å få.