"Alle som kjenner seg prega av at nokon har gått bort, har rett til å sørga"Annfrid Kalve (18)
Det er ikkje eitt år sidan enno. Annfrid Kalve (18) mista bestekompisen sin i sjølvmord. Vondt nok som det er, var ho usikker – kan eg sørga?
– Det er noko eige med sjølvmord. Noko vondare enn annan bortgang, seier Annfrid Kalve (18). Ho er frå Austevoll, men har budd store delar av livet på Stord. No går ho på Olsvikåsen vidaregåande skule i Bergen og for elleve dryge månadar sidan mista ho bestekompisen ho dagleg snakka med, og som hadde ei viktig rolle i livet hennar.